Moawin.pk is an educational web portal which provides a comprehensive platform to Pakistani students, parents, teachers and career seekers.

 

تعلیم کے دوران نئی زبان سیکھیں

تعلیم کے دوران نئی زبان سیکھیں

اگر کسی بھی کام کو لگن، دلچسپی، محنت سے کیا جائے تو یقینا کامیابی نصیب ہوتی ہے۔ اگر ہم ناکام ہو کر بیٹھ جاتے ہیں اور یہ کہہ دیتے ہیں کہ ہم یہ کام نہیں کر سکتے یا اگر ناکامی کے باوجود بھی کوشش میں لگے رہتے ہیں اور بالآخر کامیابی سے ہمکنار ہو جاتے ہیں تو یہ بات ہماری درحقیقت ہماری مستقل مزاجی اور قوت ارادی کا امتحان ہوتی ہے۔ اور یہ پتا چلتا ہے کہ فورا کامیابی یا پھر ناکامی کے بعد کامیابی حاصل کرنے کے لیے ہم نے کتنی محنت کی ہے۔ انگلستان کے مشہور ڈرامہ نگار ولیم شیکسپئیر کا یہ کہنا ہے کہ جس کام کا ارادہ تم نے کر لیا ہو ناکام ہونے کے باوجود پیچھے نہ ہٹو۔ یہی بات کسی بھی زبان کو سیکھنے پر صادر آتی ہے۔ ہم محنت سے کئی غیر ملکی زبانیں سیکھ سکتے ہیں بات صرف لگن یا شوق کی ہوتی ہے۔

اب تو انٹرنیٹ کے اس تیز رفتار دور میں کچھ بھی سیکھنا مشکل نہیں رہا۔ چاہیے آپ نے کوئی کورس کرنا ہو یا کوئی غیر ملکی زبان ہی سیکھنی ہو تو یوٹیوب موجود ہے جہاں سے ہر طرح کا تعلیمی مواد دستیاب ہے۔ اور بھی اس کے علاوہ اور کئی ذرائع ہیں جن کی مدد سے غیر ملکی زبانوں کو سیکھا جا سکتا ہے۔ اور اس بات کو جدید سائنسی تحقیق نے بھی ثابت کر دیا ہے کہ ایسے طلباء جو ایک سے زائد زبانیں بول سکتے ہیں وہ ان طلباء کی نسبت زیادہ ذہین ہوتے ہیں جو صرف ایک زبان بولنا جانتے ہیں۔

پاکستان بھر میں کئی اچھے ادارے موجود ہیں جو کہ مختلف لینگویج کورس پیش کرتے ہیں جیسا کہ نیشنل انسٹی ٹیوٹ آف ماڈرن لینگویج کا ادارہ ہے جو کہ کئی غیر ملکی زبانوں کو سیکھنے کے لیے مختلف قسم کے شارٹ اور ایک سال ڈپلومہ کورسز آفر کرتا ہے جن میں نمایاں زبانیں فارسی، عربی، جرمن، رشین ہیں۔ آئیے ہم یہاں کچھ ایسے وسائل کا ذکر کریں گے جن کی بدولت آپ غیر ملکی زبانیں نہ صرف سیکھ سکتے ہیں بلکہ مہارت سے بول بھی سکتے ہیں۔

کوئ بھی لفظ منتخب کریں: روزانہ کسی ایک لفظ کا انتخاب کر لیں۔ جیسا کہ انگلش کا کوئی بھی ایسا لفظ جس کا آپ کو مطلب معلوم نہ ہو کا انتخاب کر لیں اور اس کے بعد ڈکشنری سے اس کا مفہوم ڈھنڈیں یا انٹرنیٹ پر تلاش کریں۔ لفظوں کو رٹنے کی بجائے ان کا مفہوم سمجھنے کی کوشش کریں تاکہ وہ آپ کے ذہن میں بیٹھ جائے۔ اس طرح ہر روز کسی ایک لفظ کا انتخاب کرتے جائیں اور اس کا مفہوم جان کر اس کو سمجھیں اس طرح آپ کا الفاظ کا ذخیرہ بڑھتا جائے گا جبکہ دوسرے لفظوں میں ہم یہ کہہ سکتے ہیں کہ آپ کی وکیبلری بڑھتی جائے گی۔

اہل زبان سے روابط: اگر آپ گرائمر کی کتاب پڑھ رہے ہیں یا الفاظ کو یاد رکھنے کی کوشش کر رہے ہیں تو یہ کسی بھی زبان کو سیکھنے کا بہت چھوٹا سا عمل ہے۔ اگر زبان بولنے پر عبور حاصل کرنا ہے تو ایسے لوگوں سے مراسم پیدا کریں جو مختلف زبانیں جیسا کہ پنجابی، انگلش اور پشتو بولتے ہوں۔ اس طرح آپ کو ان سے بات چیت کرنے کے لیے ان زبانوں کی بنیادی باتوں پر مہارت حاصل کرنی پڑے گی اور پھر یہ کام آپ بہت لگن اور دلچسپی سے کریں گے۔ اس طرح آپ کو زبان سیکھنے میں کوئی بھی مسئلہ نہيں ہو گا اور آپ بہت کم وقت میں کسی دوسری زبان پر مہارت حاصل کرنے میں کامیاب ہو جائیں گے۔

بولنا آئے یا نہ آئے بولیں: زبان سیکھنے کے حوالے سے ایک بہت ہی اہم بات کہ چاہے آپ کو زبان ٹھیک سے بولنی آئے یا نہ آئے آپ اس کو بولیں اس طرح آہستہ آہتسہ آپ کی جھجھک ختم ہوتی چلی جائے گی۔ پہلے آپ ٹوٹی پھوٹی زبان بولیں گے اور پھر آہستہ آہستہ اس زبان پر آپ کی گرفت ہو جائے گی۔ پھر جب آپ اس زبان کے الفاظ بولنے پر قادر ہو جائیں گے تو آپ کو دوسرے لوگوں کو اپنی باتیں سمجھانے میں آسانی ہو جائے گی۔

غلطیاں کریں اور سیکھیں: کوئی بھی انسان سو فیصدی پورا نہیں ہوتا۔ غلطیاں سبھی کرتے ہیں۔ یہی بات زبان کے بولنے میں بھی ہے۔ کوئی بھی نئی زبان سیکھنے کے بعد جب آپ اس کو بولتے یا لکھتے ہیں تو آپ غلطیاں کرتے ہیں اور یہیں سے آپ سیکھتے ہیں۔ غلطیاں کر کے جو انسان سیکھتا ہے وہ ہمیشہ کامیاب رہتا ہے۔ کبھی بھی اس ڈر سے زبان بولنا نہ چھوڑیں کہ آپ سے غلطیاں ہو جائیں گی۔ بلکہ کہتے ہیں کہ غلطیاں کر کے سیکھنے والا انسان ہمیشہ کامیاب رہتا ہے۔



Tags

Learning


Comments




Write for us - www.moawin.pk

© Moawin, All rights reserved
Design & Developed by: Mark1technologies